काठमाडौँ । स्थानीय बजारमा सोमबार (आज) पनि सुनचाँदीको मूल्य बढेर वृद्धि भएको छ । आज सुन प्रतितोला १०० रुपियाँले बढेको छ भने चाँदी प्रतितोला ५ रुपियाँले बढेको नेपाल सुन चाँदी व्यवसायी महासंघले जनाएको हो ।
महासंघका अनुसार आजका लागि छापावाल सुनको मूल्य प्रतितोला ९३ हजार ७ सय रुपियाँ, तेजाबी सुनको मूल्य प्रतितोला ९३ हजार २ सय रुपियाँ र चाँदीको मूल्य प्रतितोला १ हजार ३ सय ५० रुपियाँ निर्धारण गरिएको छ ।
हिजो भने छापावाल सुन प्रतितोला ९३ हजार ६ सय रुपियाँ, तेजाबी सुन प्रतितोला ९३ हजार १ सय रुपियाँ र चाँदी प्रतितोला १ हजार ३ सय ४५ रुपियाँमा कारोबार भएको थियो ।
