काठमाडौं । नेपाल स्टक एक्सचेञ्ज (नेप्से) ले दुई इन्स्योरेन्स कम्पनीको शेयर मूल्य समायोजन गरेको छ । शुक्रबार लुम्बिनी जनरल इन्स्योरेन्स कम्पनी लिमिटेडको ५ प्रतिशत बोनस शेयर पछि शेयर मूल्य ७९१ रुपैयाँ कायम भएको छ भने सिद्धार्थ इन्स्योरेन्स कम्पनीको १२ प्रतिशत बोनस शेयरपछि शेयर मूल्य समायोजन गरी १ हजार २०५ रुपैयाँ कायम गरेको छ ।
लुम्बिनी जनरलको शेयर मूल्य अन्तिम कारोबार दिन बिहीबार ८३१ रुपैयाँ रहेको थियो । त्यस्तै सिद्धार्थ इन्स्योरेन्सको अन्तिम कारोबार दिन शेयर मूल्य १ हजार ३५० रुपैयाँ रहेको थियो ।
नेप्सेले कम्पनीको अन्तिम कारोबार दिनको आधारमा मूल्य समायोजन गर्ने गर्दछ ।
