Thursday, April 18Nepal News Portal
Shadow

कोरोना महामारीका कारण यस वर्ष नाचिएन सरायँ नाच,


काठमाडौं, १४ कार्तिक (ससं) । दसैंको बेला गुल्मी जिल्लामा सरायँ नाचको बेग्लै रौनक हुन्थ्यो । तर यस वर्ष सरायँ नाच हुने स्थान सुनसान भए । दसैं खल्लो भयो ।

परापूर्वकालदेखि चल्दै आएको सरायँ नाच प्राय दसैंको टीकाको दिनदेखि पूर्णिमासम्म नाच्ने गरिन्छ । गोलो घेरा बनाई पञ्चेबाजाको तालमा खुँडा र तरबार कुशलतापूर्वक नचाउँदै एकअर्कामा ठोक्काएर सरायँ नाच नाचिन्छ । सरायँ नाचलाई असत्यमाथि सत्यको जितको खुसियालीको रुपमा लिइन्छ ।

गुल्मी जिल्लाका अर्जै, अमंरपुर, इस्मामैदान, धुर्कोट, जोगिथुम, ताल्तुङ्ग, धागिथुम, चोयगा मुख्य गरी सरायँ नाच हुने स्थान हुन् । यस वर्ष भने कोरोना महामारीले गुल्मीका बिभिन्न मन्दिर तथा देवालयमा सरायँ नाच नाचिएन ।

यस वर्ष कोरोना महामारीका कारण प्रशासनले पनि निषेधाज्ञा जारी गरेकाले सरायँ नाच नभएको हो । यस वर्ष कोरोना महामारीका कारण जिल्लाका सबै मन्दिर तथा देवालयहरुमा अत्यावश्यक पूजाबाहेक अन्य कार्यक्रमहरु गर्न प्रशासनले रोक लगाएको थियो ।

सरायँ नाच नाच्दा देवी भगवती प्रशन्न हुने जनविश्वास रहेको बुढापाकाहरु बताउँछन् । सरायँ नाच गुल्मीका साथै अर्घाखाँची, कपिलवस्तु, प्युठान, दाङका विभिन्न कोट र शक्तिपिठहरु तथा खुला चौरमा नाच्ने चलन छ ।

Total Page Visits: 549 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्