Thursday, April 18Nepal News Portal
Shadow

जीवन बीमा कम्पनीहरुको बीमा शुल्क आर्जन ९८ अर्व भन्दा बढी


काठमाडौं । हाल संचालनमा रहेका १९ वटा जीवन बीमा कम्पनीहरुले चालु आ. व.को बैशाख मसान्तसम्ममा ९८ अर्ब ८९ करोड रुपैयाँ कुल बीमाशुल्क आर्जन गरेका छन् ।बीमा समितिले उपल्ब्ध गराएको तथ्याङ्क अनुसार जीवन बीमा कम्पनीहरुले बैशाख मसान्तसम्ममा ८३ लाख ९७ हजार ७ सय ५५ वटा बीमा पोलिसी जारी गरि ९८ अर्ब ८९ करोड रुपैयाँ बीमाशुल्क आर्जन गरेका हुन् ।

समितिको तथ्याङ्क अनुसार बैशाख मसान्तसम्ममा जीवन बीमा कम्पनीहरुमध्ये सबैभन्दा धेरै बीमा शुल्क आर्जन गर्ने कम्पनी नेपाल लाइफ इन्स्योरेन्स रहेको छ । कम्पनीले यस अवधिसम्ममा २६ अर्ब ८४ करोड रुपैयाँ बीमा शुल्क आर्जन गर्न सफल भएको छ ।

दोस्रोमा लाइफ इन्स्योरेन्स नेपाल रहेको छ । कम्पनीले यस अवधिसम्ममा १४ अर्ब २८ करोड रुपैयाँ बीमा शुल्क आर्जन गरेको छ । तेस्रोमा नेशनल लाइफ इन्स्योरेन्स कम्पनी रहेको छ। कम्पनीले यस अवधिसम्म ९अर्ब २६ करोड रुपैयाँ बीमाशुल्क आर्जन गर्न सफल भएको छ।

समितिको तथ्याङ्क अनुसार बैशाख मसान्तसमममा सरकारी स्वामित्वमा रहेको राष्ट्रिय बीमा संस्थानले ७ अर्ब १८ करोड रुपैयाँ, यूनियन लाइफले ५ अर्ब ४१ करोड रुपैयाँ, एशियन लाइफले ४ अर्ब ८० करोड रुपैयाँ, मेट लाइफले ४ अर्ब ३६ करोड रुपैयाँ, सूर्या लाइफले ३ अर्ब ४१ करोड रुपैयाँ, प्राइम लाइफले ३ अर्ब २७ करोड रुपैयाँ, गुँरास लाइफले ३ अर्ब १३ करोड रुपैयाँ र सिटिजन लाइफले २ अर्ब ७१ करोड रुपैयाँ बीमाशुल्क आर्जन गर्न सफल भएका छन् ।

ज्योति लाइफको २ अर्ब ४३ करोड रुपैयाँ, रिलायबल नेपाल लाइफले २ अर्ब ३९ करोड रुपैयाँ, रिलायन्स लाइफले २ अर्ब १ करोड रुपैयाँ, आइएमई लाइफले १ अर्ब ९८ करोड रुपैयाँ, सन नेपाल लाइफको १ अर्ब ८१ करोड रुपैयाँ, सानिमा लाइफले १ अर्ब ६२ करोड रुपैयाँ, प्रभु लाइफले १ अर्ब १८ करोड रुपैयाँ र महालक्ष्मी लाइफले ७२ करोड रुपैयाँ बीमाशुल्क आर्जन गर्न भएका छन् ।

Total Page Visits: 774 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्