काठमाडौं । साताको अन्तिम कारोबार बिहिवार (आज) २ ओटा कम्पनीको शेयर मूल्य १० प्रतिशतले वृद्धि भएको छ । आज मञ्जुश्री फाइनान्सको १० प्रतिशतले शेयर मूल्य बढेर यसको शेयर मूल्य प्रतिकित्ता ८२५ कायम भएको छ । महिला लघवित्त वित्तिय संस्थाको पनि १० प्रतिशतले शेयर मूल्य बढेर यसको शेयर मूल्य प्रतिकित्ता ४ हजार ७५२ कायम भएको छ ।
त्यसैगरी आज गुरास फाइनान्सको शेयर मूल्य ९.६८ र ग्रिन डेभलप्मेन्ट बैंकको ९.५५ प्रतिशतले बढेको छ । गुरास फाइनान्सको शेयर मूल्य प्रतिकित्ता १ हजार २० कायम भएको छ भने ग्रिन डेभलप्मेन्ट बैंकको ३४४ कायम भएको छ ।
