खानीखोला हाइड्रोपावरको कारोबार रोकियो

काठमाडौं । नेपाल स्टक एक्सेन्ज (नेप्से) ले खानीखोला हाइड्रोपावर कम्पनीको शेयर कारोबार रोक्का गरेको छ । कम्पनीले वित्तीय विवरणहरु सार्वजनिक नगरेको भन्दै दोस्रो बजारमा कारोबार रोक्का गरेको हो ।
नेप्सेले धितोपत्र सूचीकरण विनियमावली २०७५ को विनियम २२ क मा भएको व्यवस्था बमोजिम वित्तीय विवरणहरु नेप्सेमा पेश नगरेको बिहीबार (जेठ २० गते) देखि कारोबार रोक्का गरिएको हो ।
बिहीबार खानीखोला हाइड्रोपावरको शेयरमूल्य २.३४ प्रतिशतले घटेर प्रतिकित्ता २५० रुपैयाँमा अन्तिम कारोरबार भएको छ ।
तीन ओटा हाइड्रोपावर कम्पनीले वित्तीय विवरण सार्वजनीक नगरेको भन्दै धितो पत्र बोर्डमा निवेदन दिएका थिए ।