Saturday, April 13Nepal News Portal
Shadow

सातामा ११ बीमा कम्पनीको मूल्य बढ्यो


काठमाडौं । यस साता दोस्रो बजारमा सूचिकृत भएका ११ बीमा कम्पनीहरुको मूल्य वृद्धि भएको छ । सूचिकृत २९ कम्पनी मध्ये १९ वटाको मूल्य भने घटेको छ । यस साता सबैभन्दा धेरै नेपाल पुनर्बीमा कम्पनीको शेयर मूल्य १४० रुपैयाँले वृद्धि भएको छ । नेपाल पुनर्बीमाको शेयर मूल्य बिहीबार १७६५ रुपैयाँ कायम भएको छ ।
कम्पनीले आर्थिक वर्ष २०७६र७७ को लेखापरिक्षण तथा साधारणसभा गर्न बाँकी छ । केहि समयमै कम्पनीले लाभांस घोषणा गर्ने हल्ला चलिरहेको छ । छैठौ वार्षिक साधारणसभाले पूँजी बृद्धि योजना ल्याउन सक्ने पुर्वानुमानले दोस्रो बजारमा कम्पनीको शेयर मूल्य बढिरहेको छ ।

यस साता एशियन लाइफको पनि १२ रुपैयाँले बढेको छ । एशियन लाइफले पनि आर्थिक वर्ष २०७६र७७ को साधारणसभा गर्न बाँकी छ । अघिल्लो आ. व. २०७५/७६ मा लाभांस नदिएकोले जगेडा कोषमा ५४ करोड रुपैयाँ भन्दा धेरै छ । अन्य जीवन बीमा कम्पनीको भन्दा धेरै कम चुक्ता पूँजी रहेकाले राम्रो बोनस शेयर दिन सक्ने अनुमान गरिएको छ । यसले गर्दा कम्पनीको शेयर मूल्य लगातार बढिरहेको छ । लगानीकर्ताको यहि मूल्याङ्कन प्राइफ लाइफको शेयरमा पनि देखिन्छ । सातामा प्राइम लाइफको ४९ रुपैयाँले बढेर १०२४ रुपैयाँ पुगेको छ ।

जीवन बीमा कम्पनीहरुले गत आर्थिक वर्षको लेखापरिक्षण प्रतिवेदन तयार पारेर साधारणसभा गर्न कम्तिमा पनि दुई महिना कुर्नु पर्ने कम्पनीहरु बताउछन् । कोभिड १९ तथा एनएफआरएस अनुसार वित्तीय विवरण तयार पार्नु पर्ने भएकाले लेखापरिक्षणमा ढिलाइ भइरहेको छ । अवको दुई महिना जीवन बीमा कम्पनी शेयर मूल्यमा चहल पहल हुने देखिन्छ । तर निर्जीवन बीमा कम्पनीहरु मध्ये अधिकाम्सले साधारणसभा गरिसकेका छन् । यसले गर्दा यस साता अधिकाम्स निर्जीवन बीमा कम्पनीको शेयर मूल्यमा सुधार देखिदैन ।

बीमा समितिबाट हकप्रद शेयर निष्काशनको अनुमति पाएको आइएमई जनरलको यस साता ७८ रुपैयाँले गिरावट देखिएको छ । राष्ट्रिय बीमा कम्पनीले लाभांस वितरण गर्न अझै केहि समय लाग्ने समाचारले दोस्रो बजारमा यस साता २०० रुपैयाँ भन्दा धेरैको गिरावट भयो । बुक क्लोज पछि मूल्य समायोजन हुँदा यस साता सिद्धार्थ इन्स्योरेन्स कम्पनीको शेयर मूल्य २०२ रुपैयाँले घटेको छ । कम्पनीले १२ प्रतिशत बोनस शेयर र ३.७८ प्रतिशत नगद लाभांस दिदै छ ।

Total Page Visits: 1180 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्