काठमाडौं । नेपाल आयल निगमले अन्तर्राष्ट्रिय हवाई इन्धनको मूल्य २० प्रतिशतसम्म घटाएकोले नेपाल वायुसेवा निगमले पनि चार्टर उडानको हवाई भाडा घटाएको छ । निगमले अन्तर्राष्ट्रिय उडानमा हुने चार्टर उडानको भाडा २४ जेठ ( आज) देखि नै लागू हुने गरी घटाएको हो ।
निगमले नियति उडानहरु सुचारु भएछि निगमका अन्य गन्तव्यहरुको भाडामासमेत समायोजन गर्ने भएको छ । निगमका अनुसार वाइडवडीको चार्टर उडान भाडा २०६० र न्यारोबडीको ११३० डलरले घटेको छ ।
यो भाडादर वाइडबडीको १५ हजार ५२० र न्यारोबडकिो ७७१० अमेरिकीडलरबाट क्रमशः र १५ प्रतिशले घटाएको निगमले जानकारी दिएको छ । घटेको चार्टर भाडाको दर अब वाइडबडीको प्रतिघण्टा १३ हजार ४६० र न्यारोबडीको ६ हजार ५८० हुने पनि निगमले जारी गरेको एक प्रेस विज्ञप्तिमा उल्लेख छ ।
