काठमाडौं । प्राथमिक शेयर निष्काशनको तयारीमा रहेको सर्वोत्तम सिमेन्टले शेयरधनीलाई १९ प्रतिशत बोनस सेयर दिने घोषणा गरेको छ । कम्पनीको सञ्चालक समितिले आर्थिक वर्ष २०७७/७८ सम्मको मुनाफाबाट हालको चुक्ता पूँजी तीन अर्ब ४० करोड रुपैयाँको १९.११८ प्रतिशत बोनस शेयर प्रदान गर्ने सिफारिस गरेको हो । उक्त लाभांस पारितका लागि असार १० गते विशेष साधारणसभा बोलाइएको छ ।
प्रस्तावित बोनस शेयर ६५ करोड रुपैयाँ वितरण पछि कम्पनीको चुक्ता पूँजी चार अर्ब ५ करोड रुपैयाँ पुग्नेछ । कम्पनीले प्राथमिक शेयर निष्काशन अगाडि जगेडामा भएको रकम पनि संस्थापकहरुलाई नै वितरण गर्ने रणनीति लिएको छ । अर्को तर्फ बुक विल्डिङ विधिबाट प्राथमिक शेयर निष्काशन गर्दा आर्जन भएको प्रिमियम पनि लिन खोजेको छ । यसमा संस्थापक शेयरधनीहरुले राम्रो बठ्याई गरेका छन् ।
कम्पनीले चालु आर्थिक वर्ष भित्रै बुक विल्डिङ विधिबाट प्राथमिक शेयर निष्काशन गर्ने योजना बनाए पनि पब्लिक कम्पनीमा रुपान्तरण भए पछि पुर्ण रुपमा एक आर्थिक वर्षको लेखापरिक्षण हुनु पर्छ । त्यसैले गर्दा साउन भदौबाट मात्रै कम्पनीको प्राथमिक शेयर निष्काशन प्रक्रिया अगाडि बढ्ने छ ।
