Wednesday, April 24Nepal News Portal
Shadow

अमेरिकाले एक सय वटा देशलाई कोरोनाविरुद्धको ५० करोड डोज खोप दिने


काठमाडौं । अमेरिकाले फाइजर-बायोएनटेकले विकास गरेको कोरोना भाइरस विरुद्धको ५० करोड डोज खोप विश्वका एक सय वटा देशलाई दिने भएको छ ।

अमेरिकाले सय मुलुकमा ५० करोड डोज खोप वितरणको लागि फाइजरसँग सम्झौता गरेको अन्तर्राष्ट्रिय सञ्चारमाध्यमहरुले जनाएका हुन् ।

बिहीबार (आज) अमेरिकी राष्ट्रपति जो बाइडनले उक्त योजना घोषणा गर्न सक्ने अपेक्षा छ । अमेरिकाको यो योजनाअनुसारको २० करोड डोज खोप यसै वर्ष वितरण गरिनेछ भने बाँकी ३० करोड डोज खोप अर्को वर्षको सुरुआती ६ महिनाभित्र वितरण हुनेछ ।

समाचारमा उल्लेख गरिएअनुसार यी खोप विश्वभर समानरुपमा खोप वितरणको लागि अघि सारिएको कोभ्याक्स कार्यक्रममार्फत निम्न तथा कम आय आएका मुलुकमा जानेछ । साथै अफ्रिकन युनियनलाई पनि केही खोप प्रदान गरिनेछ ।

अमेरिकी राष्ट्रपति बाइडन विश्वभर अमेरिकाको प्रभाव पुनः फर्काउने रणनीतिमा अघि बढिरहेका छन् । अमेरिकाले वितरण गर्न लागेको खोप पनि सोही रणनीतिको एक हिस्सा हो । अमेरिकाको योजनाबारे फाइजरले भने कुनै प्रतिक्रिया दिएको छैन । एजेन्सी

Total Page Visits: 690 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्