काठमाडौं । सिभिल बैंकको प्रमुख कार्यकारी अधिकृत (सीईओ) मा सुनिल कुमार पोखरेल नियुक्त भएका छन् ।
हालसम्म उनी बैंकको निमित्त सीईओका रुपमा काम गर्दै आएका थिए । बैंक संचालक समितिको बिहीबार (हिजो) बसेको बैठकले पोखरेललाई चार वर्षको लागि सीईओ नियुक्त बताइएको छ ।
असार १८ गतेदेखि लागू हुने गरी उनलाई बैंक सञ्चालक समितिको बैठकले प्रमुख कार्यकारी नियुक्त गरेको हो । सन् १९९१ बाट बैंकिङ करिअर सुरु गरेका पोखरेल अनुभवी बैंकरका रूपमा परिचित छन् ।
उनी २०७६ जेठ २ मा सिभिल बैंकको डेपुटी सीइओमा नियुक्त भएका थिए । यी विभिन्न बैंकमा काम गर्दा उनले हालसम्म तीन दशक बढी समय बैंकिङ क्षेत्रमै बिताइसकेका छन् ।
