काठमाडौं । अडियोमा आधारित सामाजिक सञ्जाल ‘क्लब हाउस’मा नेपाली उद्योगी, व्यवसायी तथा बैंकर्सले पनि प्रवेश गरेका छन् । केही हप्तादेखि ट्रेन्डिङमा रहेको अडिओ प्लेट फर्म क्लबहाउमा विभिन्न नेपाली उद्योगी, व्यवसायी, बैंकर तथा सेलीब्रेटीहरुले प्रवेश गरेका हुन् ।
फेसबुक फाउण्डर मार्क जुकरवर्ग, टेस्लाका इलन मस्क लगायत चर्चित व्यक्तीहरुले पनि क्लव हाउसमा प्रवेश गरेसँगै अहिले यो एपको चर्चा एकाएक बढेको छ । नेपाली उद्योगी, व्यवसायी तथा बैंकरहरु पनि यसबाट टाढा रहन सकेनन् । फलस्वरुप यो एपले उनीहरुलाई आफुतर्फ आकर्षित गर्न सफल भयो ।
उद्योगी निर्माण चौधरी, शौरभ ज्योतीदेखि सेलिबे्रेटी बैंकरका रुपमा परिचित अनिल केशरी शाहले पनि यो एपमा आफ्नो प्रवेश दर्ज गरेका छन् । धेरै उद्योगी व्यवसाय तथा बैंकहरु यो एपमा प्रवेश गरिरहेका छन् ।
