काठमाडौं, २१ कार्तिक (ससं) । नेपालमा पछिल्लो २४ घण्टामा २ हजार ९०९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको तथ्यांक अनुसार आज थप २ हजार ९०९ जनामा कारोना संक्रमण पुष्टि भएको हो । योसँगै नेपालमा कोरोना संक्रमित हुनेको संख्या एक लाख ८८ हजार ८८३ पुगेको छ ।
पछिल्लो २४ घण्टामा ४ हजार ५०० जना कोरोना संक्रमणमुक्त भएका छन् । यीसँगै संक्रमणमुक्त हुनेको संख्या एक लाख ५२ हजार ९०८ पुगेको छ । हाल सक्रिय संक्रमितको संख्या ३४ हजार ९०५ रहेको छ । आज १८ जनाको कोरोना संक्रमणबाट मृत्यु भएको छ । कोरोना संक्रमणबाट मृत्यु हुनेको संख्या एक हजार ७० पुगेको छ ।
आजसम्म पसीआर विधिबाट परीक्षण १५ लाख १७ हजार ३४३ भएको छ । पछिल्लो तथ्यांक अनुसार आइसोलेसनमा ३४ हजार ९०५ जना छन भने क्वारेन्टाइनमा एक हजार ५४ जना रहेको छन् ।
