काठमाडौं । काठमाडौं उपत्यकामा असार १ गते (भोलि) देखि धारामा पानी आउने समय तालिका परिवर्तन हुने भएको छ । उपत्यका खानेपानी लिमिटेड (केयुकेएल)ले खानेपानी वितरणको तालिका सार्वजनिक गरेको हो । मेलम्ची खानेपानी आयोजनाको मर्मत गर्न परेका कारण असार १ गते देखि दुई महिना बन्द हुने भएकाले केयुकेएलले पानी वितरणमा नयाँ तालिका बनाएको छ ।
बदलिएको खानेपानीको तालिका मेलम्चीको मर्मत नसकिएसम्मको लागि लागू हुने लिमिटेडले जनाएको छ । नयाँ तालिकामा हरेक पानी वितरण केन्द्र अन्तरगत पर्ने क्षेत्रमा हप्तामा एक पटक पानी आउने गरि तालिका बनाएको छ ।
