काठमाडौं, २२ कार्तिक (ससं) । विश्वमा पछिल्लो २४ घण्टाभित्र ६ लाख १६ हजार २० जना कोरोना भाइरसका संक्रमित थपिएका छन् । पछिल्लो तथ्यांकअनुसार विश्वमा कोरोना संक्रमितको संख्या चार करोड ९६ लाख ४२ हजार पुगेको छ । त्यस्तै गत २४ घण्टामा नौ हजार २५ जनाको कोरोना संक्रमणबाट मृत्यु भएको छ। मृत्यु हुनेको संख्या १२ लाख ४७ हजार ९४४ पुगेको छ ।
त्यस्तै पछिल्लो २४ घण्टामा अमेरिकामा सबैभन्दा बढी एक लाख २५ हजार ८२२ जना रहेका छन् । सोही अवधिमा त्यहाँ कोरोना भाइरसका कारण एक हजार १९४ जनाले ज्यान गुमाएका हुन् । फ्रान्समा ६० हजार ४८६ नयाँ संक्रमित थपिएका छन् भने ८२८ जनाको मृत्यु भएको छ।
भारतमा पछिल्लो २४ घण्टाभित्र ४९ हजार ७३९ नयाँ संक्रमित थपिएका छन् । त्यहाँ थप ५७६ जनाले कोरोनाका कारण ज्यान गुमाएका छन्।
त्यसैगरी रसियामा २० हजार ५८२ जना नयाँ संक्रमित थपिएका छन् भने ३७८ जनाको मृत्यु भएको वर्ल्डोमिटर्सको तथ्यांक छ।
