काठमाडौं । काठमाडौं उपत्यकामा थप एक साता निषेधाज्ञा लम्बिने भएको छ । उपत्यकाका तीन प्रमुख जिल्ला अधिकारीहरूको आइतबार (आज) साँझ बसेको बैठकले असार ८ गतेदेखि एक साताका लागि निषेधाज्ञा थप्ने निर्णय गरेको हो।
अब निजी सवारीलाई जोर(बिजोरअनुसार चल्न दिइने भएको छ । ट्याक्सीहरूलाई पनि जोर(बिजोर लागू गरेर चलाउन दिइनेछ।
आइतबार, मंगलबार र बिहीबार ११ देखि ४ बजेसम्म सुन, भाँडाकुडा, अटो मोबाइल्स, विद्युतीय सामग्री खोल्न दिइने निर्णय भएको छ भने सोमबार, बुधबार र शुक्रबार ११ बजेदेखि ४ बजेसम्म सपिङ मल, कपडा, जुत्ता, साडी, कस्मेटिक्स, फेन्सी टेलरिङ पसल खोल्न दिइनेछ।
खाद्यान्न, दूध, किताब पसललगायतका पसलहरू बिहान ११ बजेसम्ममात्र खोल्न दिइनेछ। निर्माण सामग्रीका पसलहरू बिहान ११ देखि साँझ ६ बजेसम्म खोल्न पाइने छ ।
