काठमाडौं । मुरारका समूहले नयाँ बिलेट उद्योग सञ्चालन गर्ने भएको छ। सुनसरीको दुहबीमा उद्योग राखेर मुरारका समूहले फलामे डण्डीका लागि आवश्यक पर्ने बिलेट उत्पादन गर्न लागेको हो ।
उद्योगमा १ अर्बको लगानी रहने छ । कोरोनाका कारण उद्योगले उत्पादन सुरु गर्न केही ढिला भएको बताइएको छ ।
उद्योगबाट दैनिक ३ सय टन बिलेट उत्पादन हुने दाबी गरिएको छ । दैनिक २० मेगावाट विद्युत खपत हुने यो उद्योगले तयारी डण्डी पनि प्रतिदिन ३ सय टन उत्पादन गर्ने बताइएको छ ।
