काठमाडौं । साताको चौथो कारोबार दिन बुधबार आज सेयर बजार सामान्य अंकले वृद्धि भएको छ । आज नेप्से परिसूचक १.०१ अंकले बढरे २ हजार ८७२.०५ अंकमा पुगेको छ । राम्रा र बलिया कम्पनीको सूचक सेन्सेटिभ इन्डेक्स भने ०.१४ अंकले घटेर ५३९.३८ अंकमा पुगेको छ ।
आज कारोबारमा आएका १३ ओटा उपसमूहमध्ये ५ ओटा उपसमूहको परिसूचक घटेको छ भने बाँकी रहेका ८ ओटा उपसमूहको परिसूचक घटेको छ ।
कारोबारको आधारमा गोर्खाज फाइनान्स लिमिटेड अग्र स्थानमा रहेको छ । यो कम्पनीको २९ करोड ४७ लाख ६९ हजार २५० रुपैयाँ बराबरको सेयर खरिदविक्री भएको हो ।
नेप्सेका अनुसार आज एउटा कम्पनीको सेयरमूल्य वृद्धि भएको छ । सेयर मूल्य वृद्धि हुनेमा हिमालयन पावर पार्टनर रहेको छ । यो कम्पनीको सेयर मूल्य ८ प्रतिशत भन्दा बढीले वृद्धि भएको हो ।
आज २१४ ओटा कम्पनीको ४ करोड ४७ लाख ३६ हजार कित्ता सेयर ५ अर्ब ६५ करोड ४७ लाख ७६ हजार रुपैयाँमा खरिद विक्री भएको छ ।
