काठमाडौं, कार्तिक, २५ (ससं) । नेपाल सुनचाँदी व्यवसायी महासंघले दिएको जानकारी अनुसार सुनको भाउमा एकै दिन प्रतितोला तीन हजार ४०० ले घटेको छ ।
यसैगरी, सुनसँगै ओरालो लागेको चाँदीको भाउ पनि एकै दिन ७० रुपैयाँले घटेको छ।
सोमबार प्रतितोला ९८ हजार २०० रूपैयाँ रहेको छापावाल सुनको भाउ आज ९४ हजार ८०० रूपैयाँ छ।
यस्तै आज तेजाबी सुनको भाउ ९४ हजार ३०० रूपैयाँ कायम भएको छ। सोमबार तेजाबी सुनको भाउ तोलामा ९७ हजार ७०० रूपैयाँ थियो।
सोमबार प्रतितोला एक हजार २८५ रूपैयाँ कायम रहेको चाँदीको भाउ आज एक हजार २१५ रूपैयाँ कायम छ। जुन ७० रूपैयाँको गिरावट हो।
