काठमाडौं । राष्ट्रिय योजना आयोगको उपाध्यक्षमा डा. विश्व पौडेल नियुक्त भएका छन्। मंगलबार बसेको मन्त्रिषद् बैठकले पौडेललाई आयोगको उपाध्यक्षमा नियुक्त गर्ने निर्णय गरेको हो।
यस अघि आयोगमा स्वर्णिम वाग्ले उपाध्यक्ष हुँदा उनी सदस्य बनेका थिए । उनीसँग अर्थ र इतिहास सम्बन्धि राम्रो अनुभव छ । उनी हाल पोखरा विश्व विद्यालयमा अध्यापन गराउँछन् ।
त्यस्तै डा. रामकुमार फुयाल र डा. दिलबहादुर गुरुङलाई पनि आयोग सदस्यमा नियुक्त गरिएको छ । गुरुङ यसअघि पनि सदस्य थिए।
