काठमाडौं । भुटानले एकसातामै कूल जनसंख्याको ९० प्रतिशत नागरिकलाई कोभिड–१९ विरुद्धको खोप लगाएको छ । कूल ७ लाख ७० हजार जनसंख्या भएको भुटानमा खोप अभियानलाई सफल बनाउन स्वास्थ्यकर्मीले देशव्यापी खोप आपूर्तिमा सघाएका थिए । बालबालिका सम्बन्धी राष्ट्रसंघीय नियोग युनिसेफले यसलाई सफलताको कथा र आशाको किरण भएको बताएको छ ।
भुटानले दोस्रो डोज खोप लगाउने अभियान अन्तर्गत दुर्गम भेगमा हेलिकेप्टरमार्फत खोप आपूर्ति गरेको थियो । मंगलबारसम्म कूल खोप लगाउने लक्षित जनसंख्या ५ लाख ३० हजारमध्ये ४ लाख ८० हजारलाई खोप लगाइएको विभिन्न सञ्चार माध्यममा उल्लेख छ ।
