काठमाडौं । साताको तेस्रो कारोबार दिन मंगलबार नेप्से परिसूचक सामान्य अंकले वृद्धि भएर बन्द भएको छ । परिसूचक ०.२३ अंकले वृद्धि भएर ३१६०.३१ विन्दुमा रोकिएको हो । आज १८ अर्ब २० करोड ४९ लाख रुपैयाँभन्दा बढीको शेयर कारोबार भएको छ । २२१ कम्पनीको ३ करोड ६ लाख १३ हजार कित्ता शेयर खरिद विक्री भएको छ ।
आज १२ वटा कम्पनीको शेयर मूल्य १० प्रतिशतले वृद्धि भएको छ । सर्वाधिक मूल्यको शेयर खरिद विक्री अपि पावर कम्पनीको भएको छ । यो कम्पनीको ८६ करोड ३८ लाख २४ हजार रुपैयाँको शेयर खरिद विक्री भएको छ । आज यो कम्पनीको शेयर मूल्य ६४० रुपैयाँ कायम भएको छ ।
कारोबारमा आएका १३ समूहमध्ये ६ वटा समूहको परिसूचक वृद्धि भएको छ भने बाकी समूहको परिसूचक घटेको छ ।
