काठमाडौं । नेपाल स्टक एक्सचेञ्ज (नेप्से) मा साताको अन्तिम कारोबार दिन आज झिनो अंकको बृद्धि भएको छ । आज नेप्से परिसूचक २.७० अंकले बढेर २ हजार ८१९.६६ विन्दुमा पुगेको हो । आज सेन्सेटिभ इन्डेक्स पनि १.९३ अंकले बढेको छ ।
आज २२८ ओटा कम्पनीको १ करोड ५७ लाख कित्ता शेयर ७ अर्ब ७२ करोड ६३ लाख रुपैयाँको खरिद विक्रि भएको छ । १३ ओटा समूहमध्ये २ ओटा समूहको परिसूचक बढेको छ भने बाँकी रहेका ११ ओटा समूहको परिसूचक घटेको छ ।
आज कारोबार भएका कम्पनीमध्ये एक कम्पनीको शेयरमूल्यमा पोजेटिभ सर्किट लागेको छ । सर्किट लाग्ने कम्पनीमा मनकामना स्मार्ट लघुवित्त वित्तिय संस्था रहेको छ । आज यस कम्पनीको शेयरमूल्य १० प्रतिशतले बढेको हो ।
कारोबारको आधारमा आज सबैभन्दा बढी सानिमा बैंकको भएको छ । यस कम्पनीको आज ३४ करोड भन्दा बढीको कारोबार भएको हो ।
