काठमाडौं, ८ मंसिर (ससं)। काठमाडौं उपत्यकामा जोर-बिजोर प्रणाली उल्लंघन गर्ने ६३४ सवारी साधनलाई ट्राफिक प्रहरीले नियन्त्रणमा लिएको छ।
ट्राफिक प्रहरीले ती सवारी साधनलाई आइतबार काठमाडौं उपत्यकाका विभिन्न स्थानबाट नियन्त्रणमा लिएको हो।
नियम उलंघन गर्ने सवारीसाधनलाई नियन्त्रणमा लिँदै आएको ट्राफिक प्रहरीले हिजो ६३४ वटा जोर नम्बरका सवारीसाधनलाई नियन्त्रणमा लिएको थियो ।
ट्राफिक प्रहरीले आइतबार नियन्त्रणमा लिएका सवारीसाधन मध्य ४९५ वटा दुई पाङ्ग्रे र १३९ वटा चार पाङ्ग्रे रहेका छन्।
काठमाडौं उपत्यकाको सवारी आवागमन यतिबेला सामान्य रहेको ट्राफिक प्रहरीले जनाएको छ।
