विराटनगरका उद्योगमा साढे दुई अर्बको क्षति

काठमाडौं। दुई हप्ताअघि आएको बेमौसमी वर्षा र बाढीका कारण सुनसरी–मोरङ–कटहरी औद्योगिक क्षेत्रका ४१ उद्योगमा २ अर्ब ४७ करोड १७ लाख बराबरको क्षति भएको छ।उद्योग सङ्गठन मोरङले बाढीग्रस्त उद्योगमा गरेको १० दिने अध्ययनले साढे २ अर्ब बराबरको नोक्सानी भएको देखाएको हो।
सङ्गठन स्रोतले उद्योगमा भएको अकल्पनीय क्षतिले अर्थतन्त्रमा दूरगामी र गम्भीर प्रभाव पर्ने बताएको छ ।स्रोतका अनुसार उद्योगका मेसिन औजारमा ९८ करोड १७ लाख, कच्चा मालवस्तुमा ७१ करोड २५ लाख, तयारी मालवस्तुमा ७६ करोड ४ लाख र सरसफाइ तथा फोहर व्यवस्थापनमा १ करोड ७१ लाख बराबरको क्षति भएको छ।