काठमाडौं । साताको दोस्रो कारोबार दिन सोमबार (आज) बजार दोहोरो अंकले बढेको छ । आज नेप्से परिसूचक २६.४४ अंकले वृद्धि भएर २ हजार ७१५.३५ विन्दूमा बन्द भएको हो । सेन्सेटिभ इन्डेक्स ४.१० अंकले वृद्धि भएर ५०६.५४ विन्दूमा बन्द भएको छ ।
आज २२८ ओटा धितोपत्रको ८६ लाख ३६ हजार ६३६ कित्ता शेयर ४ अर्ब ७३ करोड ४६ लाख ५१ हजार ४४४ रुपैयाँमा खरिद विक्री भएको छ ।
कारोबारमा आएका १३ ओटा समूहमध्ये १३ ओेटै समूहको परिसूचक बढेको छ । आज २ ओटा कम्पनीको शेयर मूल्यमा उच्च वृद्धि आएको छ ।
त्यस्तै, कारोबार रकमको आधारमा महालक्ष्मी बिकास बैंक लिमिटेड अग्रिम स्थानमा रहेको छ । बैकको ३५ करोड ४६ लाख ४० हजार बराबरको शेयर खरिद विक्री भएको नेप्सेले जनाएको छ ।
