Tuesday, June 18Nepal News Portal
Shadow

उद्यमशीलता विकास कार्यक्रम सञ्चालन गर्न त्रिपक्षीय सम्झौता


काठमाडौं । नेपाल उद्योग परिसंघ ओमन लिडरशिप फोरम, नबिल बैंक लिमिटेड र महिला शक्ति विकास केन्द्र नेपालबीच महिला उद्यमीहरुलाई वित्तीय प्रणालीमा पहुँच, प्रोत्साहन तथा प्रेरित गर्नका लागि त्रिपक्षीय समझदारी पत्रमा हस्ताक्षर भएको छ ।

नेपाल उद्योग परिसंघ ओमन लिडरशिप फोरमका संयोजक छायाँ शर्मा, नबिल बैंक लिमिटेडका प्रमुख कार्यकारी अधिकृत अनिल केशरी शाह तथा महिला शक्ति विकास केन्द्र नेपालका तर्फबाट कार्यकारी निर्देशक कविता गरुङ्गले समझदारी पत्रमा हस्ताक्षर गरेका छन् ।

नेपाल उद्योग परिसंघ ओमन लिडरशिप फोरमले महिलाहरुलाई उद्यममा आवद्द बनाउने उद्देश्यकासाथ फोरम गठन भएदेखिनै नबिल बैंक र महिला शक्ति केन्द्र नेपालसँग छलफल हुँदै आइरहेको थियो । सोहीअनुरुप, महिलाहरुलाई वित्तीय साक्षरता, आर्थिक गतिविधि, जिवनस्तरको विकास लगायतमा सहयोग तथा पहुँच प्रदान गर्ने उद्देश्यले समझदारी भएको हो ।

संयुक्त राष्ट्र संघको दिगो विकासको अवधारणामा समेत उल्लेखित महिलाहरुको वित्तीय सशक्तिकरणले यसको महत्वलाई दर्शाएकोले आर्थिक आत्मनिर्भरताले मात्र महिलाहरुलाई टेवा पुग्ने नेपाल उद्योग परिसंघ ओमन लिडरशिप फोरमका संयोजक छायाँ शर्माले बताए ।

यसैगरी महिला शक्ति विकास केन्द्र नेपालका कार्यकारी निर्देशक कविता गुरुङ्गले महिलाको लागि नेतृत्व विकास, सामाजिक उत्थान तथा जिवनस्तर विकासका मुद्दाहरुमा यस केन्द्रले कार्य गर्दै आइरहेको र समझदारीबाट महिला उद्यमीहरुलाई आर्थिक रुपमा समेत सबल बनाउने कुरामा विश्वस्त रहेको बताइन् ।

नबिल बैंकका कार्यकारी निर्देशक अनिल केशरी शाहले हस्ताक्षर गरेर मात्रै समझदारी पत्रको उद्देश्य पूर्ण नहुने भएकोले यसको कार्यान्वयन पक्षमा ध्यान दिन आग्रह गरे । हाल विश्वभर र नेपालमा समेत तिव्ररुपमा फैलिरहेको कोरोना महामारीको सन्त्रासबाट समेत जोखिम उठाएर दृढताका साथ उपलब्धि हासिल गर्नको लागि तीन ओटै पक्ष उत्तिकै जिम्मेवारीपूर्वक लाग्नुपर्ने बताए ।

नेपाल उद्योग परिसंघका उपाध्यक्ष निर्वाण चौधरीले ग्रामीण विकास बैंकको सफलता त्यहाँ महिला निक्षेपकर्ताको कारणले भएको र महिला नेतृत्वलाई आर्थिक रुपमा जोड्ने यस प्रकारको प्रयासले निकट भविष्यमा देशमा महिला नेतृत्वको वर्चस्व रहने विश्वास व्यक्त गरे ।

उक्त सम्झौतापछि दिगो विकास, साना तथा मझौला उद्यमीहरुलाई ऋणको सरल व्यवस्थाका साथै विविध वित्तीय साक्षरता सम्बन्धि तालिम, गोष्ठि तथा छलफलका गतिविधिहरु सञ्चालनको लागि तीन ओटै पक्ष सहमत भएका छन् ।

Total Page Visits: 702 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्