काठमाडौं । सरकारले डिजेल र पेट्रोलको मूल्य बढाएको छ । नेपाल आयल निगमका अनुसार मूल्य प्रतिलिटर १० रूपैयाँ बढाएको हो।
अन्तर्राष्ट्रिय बजारमा कच्चा तेलको मूल्यसँगै प्रशोधित तेलको मूल्य निरन्तर बढ्दै गएको भन्दै निगमले एकैपटक पेट्रोल र डिजेलको मूल्य १०–१० रूपैयाँ बढाएको हो।
निगमका अनुसार राति १२ बजेदेखि लागू हुने गरी पेट्रोल, डिजेल र मट्टितेल समेतको साविकको खुद्रा विक्री मूल्यमा प्रतिलिटर १० रूपैयाँ वृद्धि गरेको हो।
योसँगै अब काठमाडौं उपत्यकामा पेट्रोलको मूल्य १७०, डिजेल र मट्टितेलको नयाँ खुद्रा विक्री मूल्य १५३ रूपैयाँ कायम गरिएको छ।
