काठमाडौं । जेठ १ गते आइतबार (आज) देखि हप्तामा दुई दिन बिदा लागु भएको छ । परीक्षणका रूपमा सुरु गरिएको हप्ताको दुई दिन बिदा आजदेखि नै लागू भयको हो । हप्तामा शनिबार र आइतबार बिदा हुने भए पनि अन्य दिनको कार्यालय समय भने बिहार ९ः३० बजेदेखि अपराह्न ५ः३० बजेसम्म हुने सूचना नेपाल राजपत्रमा प्रकाशित भएको छ ।
छोटो दिन हुने कात्तिक १६ गतेदेखि माघ १५ गतेसम्म भने ९ः३० बजेदेखि अपराह्न ४ः३० बजेसम्म रहने जानकारी दिइ्रएको छ । अन्तर्राष्ट्रिय बजारमा पेट्रोलियम पदार्थको मूल्य अधिक मात्रा बढ्न थालेपछि नेपालमा पनि त्यसको प्रत्यक्ष प्रभाव परेकोले इन्धन खपत घटाउने विकल्पका रूपमा सरकारले हप्तामा दुई दिन बिदा दिने निर्णय गरेको हो ।
