काठमाडौं ।पछिल्लो २४ घण्टामा कोरोना भाइरस संक्रमण पुष्टि थप १२ जनामा भएको छ ।कसैको मृत्यु भएको छैन ।पछिल्लो २४ घण्टामा कोरोनाबाट ९ जना निको भएका छन् भने हाल देशभर १५० जना सक्रिय संक्रमित रहेका छन् ।
बिहीबार (आज) थपिएसँगै नेपालमा कोरोना संक्रमितको जम्मा संख्या ११ लाख १९ हजार २४७ पुगेको छ ।
स्वास्थ्य तथा जनसंख्या मन्त्रालयका अनुसार २ हजार ५८० जनाको पीसीआर परीक्षणमा १२ जना र १ हजार ४७ जनाको एन्टीजेन परीक्षणमा ० जना गरी १२ जनामा संक्रमण पुष्टि भएको हो ।
योसँगै नेपाल मृत्यु हुनेको संख्या ११ हजार ९५२ पुगेको छ भने ९ लाख ६६ हजार ९३८ जना संक्रमणमुक्त भएका छन् ।
