काठमाडौं। स्रोत नखुलेको नगदसहित प्रहरीले एक जनालाई पक्राउ गरेको छ । वीरगंज महानगरपालिका १६ रजतजयन्ती चोकबाट स्रोत नखुलेको नगद ९ लाख ५० हजार रूपैयाँ सहित भारतको मनुवापुलमा बस्ने ४२ वर्षीय संजय रामलाई बुधबार(हिजो) साँझ प्रहरीले पक्राउ गरेको हो ।
भारतबाट नेपालतर्फ आउँदै गरेको प्रदेश ३–०२–०११ प ८६२७ नम्बरको मोटरसाइकललाई प्रहरी चौकी इनर्वाबाट खटिएको प्रहरीले जाँच गर्ने क्रममा मोटरसाइकल चालक रामलाई उक्त श्रोत नखुलेको नगद सहित फेला पारी पक्राउ गरेको छ। यसबारे अनुसन्धान भइरहेको समेत प्रहरीले जानकारी दिएको छ ।
