काठमाडौं । दाङमा बन्दुकको गोली लागेर एक जनाको मृत्यु भएको छ। बंगलाचुली गाउँपालिका र लमही नगरपालिकाको सिमानामा पर्ने जंगलमा सिकार खेल्न गएका साथीले बोकेको बन्दुक पड्किदा एक जनाको मृत्यु भएको हो ।
मृत्यु हुनेमा लमही नगरपालिका–१ निवासी भागबहादुर पुन रहेका छन् । पुन शुक्रबार(हिजो) दिउँसो साथीहरुसँग सिकार खेल्न गएका थिए । उनीसँगै सिकार खेल्न गएका साथीले बोकेको बन्दुक पट्किंदा उनको घटना स्थलमै मृत्यु भएको जिल्ला प्रहरी प्रमुखले बताएका छन्।
पुनको घाटीमा गोली लागेको छ । उनको शव लमही अस्पतालमा राखिएको छ । मृतक पुनसँग सिकार खेल्न गएका चार जनालाई प्रहरीले नियन्त्रणमा लिएको छ।
घटनाको थप अनुसन्धान भइरहेको प्रहरी प्रमुखले बताएका छन् ।
