Tuesday, June 18Nepal News Portal
Shadow

नियम विपरीत लिएको ब्याज फिर्ता गरे २५ वाणिज्य बैंकले



काठमाडौं । अनाधिकृत रूपमा प्रिमियम बढाएर असुल गरेको साढे ४ अर्ब रुपैयाँभन्दा बढी ब्याज २५ वटा बैंकले फिर्ता गरेका छन् । २५ वटा वाणिज्य बैंकले न्यूनतम ४० लाख रुपैयाँदेखि ४८ करोड रुपैयाँसम्म प्रिमियम बढाएर असुल गरेको ब्याज फिर्ता गरेका हुन् ।

गत आर्थिक वर्षमा प्रिमियम बढाएर अनाधिकृत रुपमा असुलेको ब्याज फिर्ता गर्न २५ वटा बैंकलाई नेपाल राष्ट्र बैंकले निर्देशन दिएको थियो । बैंकहरुलाई आर्थिक वर्ष २०७८/७९ को वित्तीय विवरणको प्रारम्भिक स्वीकृत पाएका २५ वटा बैंकले मात्रै ४ अर्ब ६६ करोड रुपैयाँ अनाधिकृत रूपमा प्रिमियम बढाएर ब्याज असुल गरेको पाइएको केन्द्रीय बैंकले जनाएको छ । उक्त रकम फिर्ता गर्ने शर्तमा वित्तीय विवरणलाई प्रारम्भिक स्वीकृति दिएको र अधिकांश बैंकहरुले उक्त रकम फिर्ता गर्ने अथवा असुल गर्नुपर्ने ब्याजमा मिलान गरिरहेको पाइएको हो ।

Total Page Visits: 338 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्