काठमाडौं, १४ मंसिर (ससं)। नेपाल भ्रमणमा रहेका चिनियाँ स्टेट काउन्सिलर तथा रक्षामन्त्री वेई फेङ प्रधानमन्त्री केपी शर्मा ओलीलाई भेट्न बालुवाटार पुगेका छन्।
एक दिने नेपाल भ्रमणको सिलसिलामा आज बिहान काठमाडौं आइपुगेका चिनियाँ रक्षामन्त्री वेई सैनिक मुख्यालयमा प्रधानसेनापति पूर्णचन्द्र थापासँग भेट गरी प्रधानमन्त्रीलाई भेट्न बालुवाटार पुगेका हुन्।
उनको प्रधानमन्त्री ओलीसँग भेट सकेपछि आजै राष्ट्रपति विद्यादेवी भण्डारीलाई भेट्ने कार्यक्रम छ। उनले शितलनिवासमा राष्ट्रपतिसँग पनि भेट गर्नेछन्।
साँझ ६ बजेतिर नेपाल भ्रमण सम्पन्न गरी उनको फर्कने कार्यक्रम रहेको छ।
Total Page Visits: 584 - Today Page Visits: 1
