काठमाडौं । उद्योग, वाणिज्य तथा आपूतिमन्त्री दामोदर भण्डारीले रोजगारीको अभावमा पलायन भैरहेका जनशक्तिलाई रोक्न र नेपालमै नयाँ रोजगारीका अवसरहरू श्रृजना गर्नुपर्ने बताएका छन् । उनले बुधबार नेपाल उद्योग परिसंघका पदाधिकारीसँगको भेटबार्तामा यस्तो बताएक हुन् ।
आफ्नो लक्ष्य देशमै रोजगारी श्रृजना गरेर विदेश पलायन हुने जनशक्तिलाई रोक्ने रहेकोले त्यसलाई परिसंघले सहयोग गर्नुपर्ने बताए । अर्थतन्त्र सुधारका लागि सरकारको पक्षबाट आफूले पहल गर्नेे भन्दै सरकारले उद्योग क्षेत्रलाई प्राथमिकता दिने पनि बताए ।
भेटको क्रममा परिसंघले लिपिबद्ध गरी दिएको ठोस सुझावमध्ये कार्यान्वयन गर्न सकिने सुझाव परिसंघसँग छलफल गर्दै अगाडि बढाउने मन्त्री भण्डारीले प्रतिबद्धता जनाए ।
औद्योगिक विकासबाट मात्रै आर्थिक विकासक सम्भव भएकाले परिसंघसँग सहकार्य गरी अघि बढ्ने मन्त्री भण्डारीले प्रतिबद्धता जनाए ।
