काठमाडौं । आइतबार (आज) सुनको मूल्यमा गिरावट आएको छ । शनिबार प्रतितोला १ लाख २ हजार ४ सय रुपैयाँमा कारोबार भएको सुनको मूल्य आज ४ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख २ हजार रुपैयाँ रहेको छ भने तेजावी सुनको मूल्य १ लाख १ हजार ५ सय रुपैयाँ रहेको छ ।
त्यस्तै, आज चाँदीको मूल्य पनि घटेको छ । बिहिबार प्रतितोला १ हजार २ सय ७५ रुपैयाँमा कारोबार भएको चाँदीको मूल्य आज घटेर प्रतितोला १ हजार २ सय ६० रुपैयाँ कायम भएको महासंघले जानकारी दिएको छ ।
