काठमाडौं । स्थानीय बजारमा मंगलबार सुनको मूल्य स्थिर रहेको छ। सोमबार प्रतितोला २ सय रुपैयाँ घटेको सुनको मूल्य आज भने स्थिर रहेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १ हजार ८ सय रुपैयाँ र तेजाबी सुन प्रतितोला १ लाख १ हजार ३ सय रुपैयाँमा कारोबार भइरहेको छ।
त्यसैगरी, मंगलबार चाँदीको मूल्य पनि स्थिर रहेको छ। आज चाँदी प्रतितोला १२ सय ५५ रुपैयाँमा कारोबार भइरहेको छ।
सोमबार पनि चाँदी सोही मूल्यमा किनबेच भएको थियो।
