काठमाडौं । जीवन विकास लघुवित्त वित्तीय संस्था लिमिटेड (JBLB) ले गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश संशोधन गरेको छ।
फागुन ६ गते बसेको बैठकले २८ % बोनस शेयर र ९.३६८४ % नगद लाभांश गरी कुल ३७.३६८४ % लाभांश वितरण गर्ने घोषणा गरेको लघुवित्तले फागुन १९ गते पुनः बैठक बसि लाभांश संशोधन गरेको हो। जसमध्ये २६ % बोनस शेयर रहेको छ भने ७.१५ % (कर प्रयोजनार्थसहित) नगद लाभांश रहेको छ।
नेपाल राष्ट्र बैंकको निर्देशन बमोजिम लाभांश संशोधन गरिएको लघुवित्तले जानकारी दिएको छ।
नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।
