काठमाडौं । रेमिटलीबाट पठाइएको पैसा अब नेपाली नागरिकले आइएमई पे वालेटबाट पाउन सक्ने भएका छन् ।
रेमिट्यान्स सेवाका लागि विश्वव्यापी रूपमा मोबाइल फोनलगायत डिजिटल च्यानलहरूमार्फत सेवा प्रदान गर्दै आइरहेको रेमिटलीबाट पठाइएको रेमिट्यान्स अब नेपाली नागरिकले आइएमई पे वालेटमा सिधै दाबी गरी पाउन सकिने कम्पनीले जानकारी दिएको छ ।
यो सुविधाले ग्राहकलाई सहज तरिकाले विदेशमा रहेका परिवार तथा मित्रहरुले पठाएको रकम बिना झन्झट् प्राप्त गर्न मिल्ने उद्देश्यका साथ विस्तार गरिएको आईएमइले जानकारी दिएको हो ।
