काठमाडौं । राष्ट्रिय बिमा कम्पनी लिमिटेडमा विभिन्न पदमा पदपूर्तिका लागि दरखास्त आह्वान गरिएको छ । शुक्रबार सूचना प्रकाशित गर्दै आवेदन माग गरिएको हो ।
योग्यता पुगेका नेपाली नागरिकहरूले आफूले प्राप्त गरेको नागरिकताको प्रमाणपत्र, एसएलसी वा सोसरह र सोभन्दा माथिको आवश्यक शैक्षिक योग्यताको प्रमाणपत्र, ट्रान्सक्रिप्ट र चारित्रिक प्रमाणपत्रहरूको स्वयं प्रमाणित प्रतिलिपि, हालसालै खिचेको पासपोर्ट साइजको ३ प्रति फोटो र तोकिएको दस्तुरसहित समावेशीतर्फको समूहसमेत खुलाई रीतपूर्वक दरखास्त फाराम भरी तोकिएको म्यादभित्र यस कम्पनीको प्रधान कार्यालयमा बुझाउनुहुन यो सूचना प्रकाशित गरिएको छ ।
