Wednesday, February 21Nepal News Portal
Shadow

अर्थतन्त्रलाई थप विग्रनबाट जोगाउन तत्काल अर्थतन्त्र सुधारका कार्यक्रम ल्याउन उपाध्यक्ष ढकालको आग्रह


काठमाडौं । नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले अर्थतन्त्रलाई थप विग्रनबाट जोगाउन र मुलुकभित्र व्यावसायिक वातावरण बनाउन तत्काल अर्थतन्त्र सुधारका कार्यक्रम ल्याउनुपर्ने बताएका छन्।

नेपाल उद्योग वाणिज्य महासंघ सुदूरपश्चिम प्रदेशको छैठौं प्रदेश सभालाई सम्बोधन गर्दै वरिष्ठ उपाध्यक्ष ढकालले अर्थतन्त्रलाई बढी नियन्त्रण गर्ने प्रयास गर्दा अहिलेको असहज परिस्थिति सृजना भएको र नीतिगत सुधार नगरी यसलाई सही बाटोमा ल्याउन नसकिने बताएका छन्।

विगतमा अर्थतन्त्र सुधार गर्न राज्यले लिएका नीतिहरुले निजी क्षेत्रलाई काम गर्ने वातावरण बनाउन सकेन। यसले उद्योगी व्यवसायीहरुको मनोबल बढाउन सकेन। अब अर्थतन्त्र सुधार्न र व्यवसायीको मनोबल बढाउन तत्काल नीतिगत सुधार गर्नुपर्ने जरुरी हुन्छ, उनले भने।

सबै क्षेत्र अप्ठेरोमा परेका छन्। बैंक वित्तिय संस्था पनि निजी क्षेत्रकै अंग हुन्। बैंक वित्तिय संस्थालाई मात्रै गाली गरेर हुँदैन। यो नीतिगत अस्थिरताले सिर्जना गरेको समस्या हो। यसको समाधान आन्दोलन गरेर पनि हुँदैन, उनले भने यसका समाधान सरकार, नेपाल राष्ट्र बैंक तथा निजी क्षेत्र सबै मिलेर गर्नुपर्छ।

महासंघको सबै प्रदेशको नेतृत्व सर्वसम्मत रुपमा चयन भएको प्रसंग उठाउँदै उनले यसले महासंघलाई थप एकतावद्ध भई सरकारसँग सहकार्य गर्न सहयोग पुग्ने बताए।

आजको यस प्रदेशको निर्वाचन सकिएसँगै ७ वटै प्रदेशमा महासंघको नयाँ नेतृत्व चयन भएको छ। यसले महासंघलाई बलियो बनाउनेछ। महासंघ जति बलियो हुन्छ त्यति नै अर्थतन्त्रमा पनि हामीले योगदान पुर्‍याउन सक्नेछौ, उनले भने।

Total Page Visits: 116 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्