काठमाडौं । हाल देशमा स्थानीय वायुसँगै पश्चिमी वायुको प्रभाव रहेको छ। मौसम पूर्वानुमान महाशाखाका अनुसार सोमबार देशका पहाडी भूभागमा सामान्य बदली रही अन्य भू–भागमा मौसम सामान्यतया सफा रहने छ।
कोशी,गण्डकी र बागमती प्रदेशका पहाडी भू–भागका थोरै स्थानहरूमा र देशका अन्य पहाडी भू–भागका केही स्थानमा मेघगर्जन र चट्याङसहित सामान्य वर्षाको सम्भावना रहेको छ।
मंगलबार पनि कर्णाली र सुदूरपश्चिम प्रदेशका पहाडी भू–भागमा सामान्य बदली रही देशका बाँकी पहाडी भू–भागमा आंशिकदेखि सामान्य बदली रहने, अन्य भू–भागमा मौसम सामान्यतया सफा रहने छ। देशका पहाडी भू–भागका एक–दुई स्थानमा मेघ गर्जन र चट्याङसहित सामान्य वर्षाको सम्भावना रहेको छ ।
