काठमाडौं । ट्रेकिङ्ग एजेन्सिज एसोसिएसन अफ नेपाल (टान) का निवर्तमान अध्यक्ष एवम् पर्यटन व्यवसायी खुमबहादुर सुवेदीले नेपाल उद्योग वाणिज्य महासंघको केन्द्रीय सदस्यमा उम्मेदवारी दिने भएका छन् ।
महासंघको चैत २८ र २९ साधारण सभासहित हुने निर्वाचनमा सुवेदीले केन्द्रीय सदस्यमा उम्मेदवारी दिने घोषणा गरेका हुन् ।
सुवेदीले वरिष्ठ उपाध्यक्षका प्रत्याशी अञ्जनकुमार श्रेष्ठको प्यानलबाट उम्मेदवारी दिन लागेका हुन् ।
युनिक एड्भेन्चर इनटरनेशनल प्रालिका प्रबन्ध निर्देशक रहेका सुवेदी २५ वर्षदेखि पर्यटन व्यवसायमा सक्रिय रहेका छन् । ट्रेकिङ, ट्राभल लगायतका क्षेत्रमा रही टानको नेतृत्व समेत संहालिसकेका सुवेदीले सो अनुभव महासंघमा समेत लगाउने बताएका छन् ।
सुवेदी व्यवसायको अलवा सामाजिक संस्था रोटरी क्लब अफ दरबारमार्गको सदस्यका साथै लायन्स क्लब अफ नेपाल प्याराडाइजको अध्यक्ष समेत रहेका छन् ।
