उद्योग

काठमाडौं । नेपाल घरेलु तथा साना उद्योग महासंघले वैशाख २६ देखि ३० गतेसम्म सम्म १७ औं अन्तर्राष्ट्रिय औद्योगिक व्यापार मेला २०८१ आयोजना गर्ने भएको छ। मेला स्वदेशी उत्पादन प्रवर्द्धन गर्ने उद्देश्यसहित ‘खोजौं नेपाली, रोजौं नेपाली’ र ‘नेपाली वस्तुको प्रयोग गरौं, नेपाली भएकोमा गर्व गरौं’ मूल नारासाथ मेला आयोजना गर्न लागिएको महासंघले जनाएको हो । काठमाडौंको प्रदर्शनीमार्गस्थित भृकुटीमण्डपमा आयोजना गरिने मेलामा ६ लाखभन्दा बढी लघु, घरेलु तथा साना उद्योग र कृषि व्यवसायमा संलग्न उद्यमीहरु सहभागी हुनेछन्‌। साथै सार्क मुलुक र चीनका उद्यमीरव्यवसायी समेतको सहभागीता रहनेछ। २५० वटा स्टल रहने मेलालाई दुई लाख भन्दा बढीले अवलोकन गर्ने र सात करोड रुपैयाँभन्दा बढी आर्थिक कारोबार हुने महासंघले अनुमान गरेको छ।...

काठमाडौं ।  कच्चा पदार्थको अभावमा कैलाली जिल्लामा सञ्चालित एक सय ३७ वटा घरेलु तथा साना उद्योग बन्द भएका छन्। कतिपय उद्योग भने सञ्चालन खर्च जुटाउन नसकेर र केही आफ्ना उत्पादनले बजार मूल्यसँग प्रतिस्पर्धा गर्न नसक्दा बन्द भएका हुन्। घरेलु तथा साना उद्योग कार्यालयका अनुसार कतिपय उद्योगका सञ्चालक रोजगारीका लागि विदेश गएकाले पनि उद्योग बन्द भएका हुन्। यद्यपि पछिल्लो समय उद्योग दर्तामा महिलाको स्वामित्व उल्लेख्यरूपमा बढ्दै गएको पाइएको छ। महिलाको नाममा निजी फर्म दर्तामा छुटको व्यवस्था भएसँगै उद्योग दर्तामा महिलाको स्वामित्व बढेको छ। कैलालीमा हालसम्म १५ हजार चार सय ३४ उद्योग दर्ता भएका छन्। जिल्लामा दर्ता भएका उद्योगमध्ये एक सय ३७ उद्योगको दर्ता खारेज भएको छ। हालसम्म उत्पादनमूलक तीन हजार एक सय ९४, कृषि छ हजार चार सय ८८, निर्माण दुई, पर्यटनमूलक ६५, सूचना प्रविधि १२, सेवामूलक पाँच हजार छ सय ...

काठमाडौं । चालू आर्थिक वर्ष २०८०/०८१ को आठ महिनामा वैदेशिक लगानी प्रतिवद्धता ९एफडिआई० ४१ दशमलव ६७ प्रतिशतले बढेको छ । उद्योग विभागले बिहीवार सार्वजनिक गरेको तथ्यांकअनुसार चालू आर्थिक वर्ष को ८ महीनामा फागुनसम्म २५३ उद्योगमा कुल २९ अर्ब १३ करोड ४५ लाख बराबरको वैदेशिक लगानी स्वीकृत भएको हो । प्रतिबद्धता आएका परियोजनामा साना आकारका बढी छन् । ठूला स्केलका उद्योगमा प्रतिबद्धता कम आएको छ । मुलुकमा विस्तारै लगानीको वातावरण बनाउनै सरकारले नीतिगत रूपमा सहजीकरण गरेसँगै प्रत्यक्ष वैदेशिक लगानी वृद्धि भएको उद्योग विभागका उद्योग विभागका विदेशी लगानी तथा प्रविधि हस्तान्तरण शाखाका निर्देशक शंकरसिंह धामी बताउँछन् । लगानीकर्ताले प्रतिबद्धता जनाए पनि स्वीकृत लिए अनुसार एफडिआई भने आउने गरेको छैन। उद्योग विभागका अनुसार गत आर्थिक वर्ष २०७९/८० मा ३ सय २७ परियोजनाका लागि ३८ अर्ब ४० करोड लगानी स्वीकृत भएको ...

काठमाडौं । उद्योग, वाणिज्य तथा आपूर्ति मन्त्रालयले आगामी आर्थिक वर्ष २०८१/८२ को राजस्व नीति तर्जुमाका लागि सुझाव माग गरेको छ । राजस्व परामर्श समितिलाई क्षेत्रगत सुझाव दिन मन्त्रालयले निजी क्षेत्रसँग सुझाव माग गरेको हो । सुझाव चैत ७ गतेसम्म मन्त्रालयले बनाएका उद्योग, वाणिज्य, लगानी तथा निर्यात प्रवर्द्धन उप-समितिमा पेश गर्नुपर्ने छ । सुझाव संकलन सम्बन्धी सूचना आगामी आ.व. 2081/82 को राजस्व नीति तर्जुमाका सन्दर्भमा राजस्व परामर्श समितिलाई क्षेत्रगत सुझाव दिने प्रयोजनका लागि गठित उद्योग, वाणिज्य, लगानी तथा निर्यात प्रवर्द्धन उप-समितिमा पेश गर्ने सुझावहरु समेट्ने उद्देश्यले निजी क्षेत्र/निकायहरुबाट सुझाव संकलन गरी उक्त उप-समितिमार्फत प्रतिवदन पेश गर्ने प्रयोजनको लागि यो सार्वजनिक सूचना प्रकाशन गरिएको छ। तसर्थ मिति 2080/12/07 गते भित्र लिखित सुझाव पेश गर्नुहुन अनुरोध छ । e-mail: i...

काठमाडौं। नेपाल हेभी इक्विपमेन्ट व्यवसायी संघ काठमाडौँले नवौं बार्षिक साधारण सभा तथा पाँचौ अधिवेशन गरेको छ।सोमवार संघको नवौं बार्षिक साधारण सभा तथा पाँचौ अधिवेशन काठमाडौंमा संपन्न भएको हो। नेपाल हेभी इक्विपमेन्ट व्यवसायी महासंघका अध्यक्ष प्रेमलाल श्रेष्ठको प्रमुख आतिथ्यतामा उक्त कार्यक्रम संपन्न भएको हो।नवौं बार्षिक साधारण सभामा अधिवेशनवाट आगामी तीन वर्षका लागि नयाँ कार्य समिति सर्वसम्मत निर्वाचित भएका छन । प्रमुख अतिथिको समुपस्थितिमा महेश कुँवरको अध्यक्षतामा १५ सदस्यीय नयाँ कार्य समिति सर्वसम्मत निर्वाचित भएको घोषणा गरिएको छ। जसअनुसार अध्यक्षमा महेश कुंवर, उपाध्यक्षहरुमा दानवहादुर बोगटी र अरुण शर्मा रहेका छन्। त्यस्तै, सचिव तारा बहादुर कटुवाल (अर्जुन), सहसचिव नेत्र वहादुर अधिकारी, कोषाध्यक्ष खेमराज आचार्य, सहकोषाध्यक्ष शालिकराम श्रेष्ठ (सुरज) छन्। त्यसैगरी सदस्यहरुमा खड्ग बहाद...

काठमाडौं । उद्योग वाणिज्य तथा आपूर्तिमन्त्री रमेश रिजालले अहिलेको आर्थिक सङ्कट नेपालको मात्र नभई विश्वव्यापी भएकाले उद्योगी एवं व्यवसायीलाई निरास नहुन आग्रह गरेका छन् । उनले चेम्बर अफ कमर्श, रुपन्देहीको आयोजनामा बुधबारदेखि भैरहवामा सुरु भएको छैटौँ लुम्बिनी प्रादेशिक महोत्सवको उद्घाटन कार्यक्रमलाई सम्बोधन गर्दै मन्त्री रिजालले मुलुक बनाउन उद्योगी व्यवसायीको भूमिका महत्वपूर्ण हुने बताए । “सबैले देश आर्थिक सङ्कटमा छ भनेर भनिरहँदा लगानी गर्ने मानिसमा नैराश्यता उत्पन्न भएको मैले महसुुस गरेको छु”, उनले भने, “यो समस्या नेपालमा मात्र हैन, संसारभर आएको हो, अन्य मुलुकका उद्योगी व्यवसायी एवम् अन्य डटेर सामना गरिरहँदा हामी निरासाका कुरा मात्र गरिरहेका हुन्छौँ ।” नेपाल अहिले अधोगतिमा नभई उभोगतिमा रहेको बताउँदै मन्त्री रिजालले केही विश्वसनीय आधार रहेका कारण ढुक्क भएर लगानी गर्न आग्रह गरे । “तपाईहर...

काठमाडौं । नेपाल उद्योग परिसंघले १६औं योजना तर्जुमा गर्दा आन्तरिक उत्पादन, आयात प्रतिस्थापन र रोजगारी सिर्जनालाई प्राथमिकतामा राखेर योजना बनाउन सुझाव दिएको छ । परिसंघले १६औं योजना तर्जुमा गर्दा प्राथमिकतामा राख्नुपर्ने विषयमा गरेको अध्ययनसहितको प्रतिवेदन पेश गर्दै यस्तो सुझाव दिएको हो । परिसंघका अध्यक्ष राजेशकुमार अग्रवालले आयोगका उपाध्यक्ष डा. मीनबहादुर श्रेष्ठलाई परिसंघको सुझाव हस्तान्तरण गर्नुभयो । सो अवसरमा अध्यक्ष अग्रवालले १६औं योजना औद्योगिक विकासमा केन्द्रित गर्नुपर्नेमा जोड दिनुभयो । औद्योगिक विकासमा केन्द्रित हुन एकीकृत औद्योगिक विकास रणनीति बनाउनुपर्ने, उद्योगहरुका लागि जग्गाको सिलिङ तोक्न नहुने, नीतिगत स्थायित्व र अनुमान गर्न सकिने तथा आन्तरिक उत्पादनलाई प्राथमिकता दिन मेक इन नेपाल स्वदेशी अभियानको प्रबद्र्धन गरिनुपर्ने उहाँले बताउनुभयो । यसैगरी गुणस्तरिय ...

नवलपुर। नवलपरासी (बर्दघाट–सुस्तापूर्व)को गैँडाकोट–२ मा रहेको भृकुटी पल्प एन्ड पेपर नेपाल लिमिटेड बन्द भएपछि खण्डहर बन्दै गइरहेको छ। नेपाललाई कागजमा आत्मनिर्भर बनाउने उद्देश्यले चार दशक अघि स्थापना गरिएको नेपालकै ठूलो कागज कारखानाको अवस्था अहिले अस्पतालको भेन्टिलेटरमा राखिएको बिरामीजस्तै भएको स्थानीयवासी बताउँछन् । भृकुटी कागज कारखाना नजिकैका ७० वर्षीय रामेश्वर कँडेलले उद्योग सञ्चालनमा हुने बेलासम्म यहाँ निकै चहलपहल हुने गरेको स्मरण गरे। “विसं २०६५/६६ सम्म यो भृकुटीचोकमा अहिलेको नारायणगढ बजारको भन्दा कम चहलपहल हुँदैनथ्यो”, उनले भने, “उद्योगमा काम गर्ने सात–आठ सय मजदुर काममा जाने र निस्कने गर्दा त्यो दृश्य निकै नै रोचक लाग्थ्यो।” विसं २०६७ मा उद्योग बन्द भएपछि यहाँको चहपहल घटेसँगै उद्योग खण्डहर बन्दै गएको कँडेलले बताए। “उद्योग चल्ने बेलासम्म त उद्योग रहेको ठाउँ आकर्षक देखिन्थ्यो”...

काठमाडौं। आर्थिक वर्ष २०७९/८० मा रुपन्देहीमा २ सय १७ साना उद्योग बन्द भएका छन् । घरेलु तथा साना उद्योग कार्यालय भैरहवा रुपन्देहीका अनुसार तीे उद्योगले लगत कट्टा गरेका हुन्। लगत कट्टा गरी बन्द हुनेमा उत्पादनमूलक उद्योगमा ८४, कृषि तथा वनजन्य उद्योगमा १९, सेवामूलक उद्योग ६३ र पर्यटन उद्योगमा ५१ छन्। लोडसेडिङ, बढ्दो आर्थिकमन्दी, बैंकको चर्को ब्याजदरजस्ता कारणले उद्योग बन्द गर्नुपरेको उद्योगीको भनाइ छ। उद्योग बन्द गर्ने धेरैजसो तिलोत्तमा नगरपालिका, सिद्धार्थनगर र बुटवल उपमहानगरपालिका उद्योगी छन्। रुपन्देही उद्योग सङ्घका अध्यक्ष माधव पौडेलले औद्योगिक क्षेत्रका रूपमा चिनिएको रुपन्देहीमा एक वर्षमै २ सयभन्दा धेरै उद्योग बन्द हुँदा यसले यहाँका उद्योगीको अवस्था खराब रहेको स्पष्ट भएको बताए। उनले रुपन्देहीमा कोभिड महामारी, कर्जाको ब्याजदार, आयात तथा निर्यातमा भएका नीतिगत समस्यालगायतले साना उद्योग...

काठमाडौं। अर्थमन्त्री डा. प्रकाशशरण महतले महिला औद्योगिक पार्क अवधारणा अगाडि बढेको बाताएका छन्। शुक्रबार दक्षिण एसियाली महिला मञ्चले आयोजना गरेको कार्यक्रमलाई सम्बोधन गर्दै मन्त्री महतले महिला औद्योगिक पार्क अवधारणा अगाडि बढिसकेको र अब कसैले रोक्न नसक्ने दाबी गरेका हुन्। ‘सुन्दा यो सामान्यजस्तो लाग्छ, पछि मान्छेले थाहा पाउँछन्, यो दुरगामी अवधारणा हो। महत्वपूर्ण सुरुवात भएको छ, यसलाई कार्यान्वयनमा लैजानुपर्छ। देशैभरि यसको सञ्जाल विस्तार गर्नुपर्छ, कार्यक्रममा मन्त्री महतले भने, ‘नेपालमा धेरै ठूलो संख्यामा युवाहरू विदेशिन्छन्। महिलाको तुलनामा पुरुषको संख्या ठूलो छ। त्यसैले यहाँ कसैले स्थिरता दिन सक्छन् भने ति महिलामात्र हुन्।’ ग्रामीण र आधुनिक अर्थतन्त्रमा महिलाको भूमिका वृद्धि भइरहेको हुँदा यसलाई राज्यले प्राथमिकताका साथ प्रवर्द्धन गर्ने उनले प्रतिवद्धता गरे। ‘‘अहिले कृषि व्यवसा...