चलचित्र ‘कबड्डी ४’को प्रदर्शन मिति तोकियो

काठमाडौं, (ससं) । चलचित्र ‘कबड्डी ४’ को प्रदर्शन मिति तय गरिएको छ । चलचित्रको छायांकन नै प्रारम्भ नभई यसको निर्माणपक्षले प्रदर्शन मिति तय गरेको हो ।
निर्माण पक्षले चलचित्र आउँदो बर्षको असोज १५ गतेबाट रिलिज हुने बताएको छ । दशैंको घटस्थापना भन्दा एक साता अगाडि यो चलचित्र रिलिज हुने पक्का भएको हो ।
निर्माणपक्षले यो चलचित्रलाई कबड्डी सिरिजको अन्तिम चलचित्र भएको बताएको छ । रामबाबु गुरुङको निर्देशनमा तयार हुने चलचित्रका लागि कलाकारहरुको नाम भने खुलाउन बाँकी रहेको छ । तर, चलचित्रमा दयाहाङ राई, बिजय बराल, वुद्दि तामाङ लगायतले काम गर्ने पक्का रहेको बुझिएको छ ।