काठमाडौं । मंगलबार पनि नेप्से परिसूचक सामान्य अंकले बढेको छ । सोमबार ६.७८ अंकले बढेको बजार मंगलबार ५.०८ अंकले बढेर २,६१३.०८ विन्दुमा बन्द भएको हो ।
आज ६ अर्ब १९ करोड १ लाख रुपैयाँ बराबरको १ करोड १६ लाख कित्ता शेयर खरिद विक्री भएको हो । आज कारोबारमा आएका कम्पनीमध्ये १०६ कम्पनीको शेयर बढ्दा १२९ कम्पनीको शेयर घटेको छ । ८ कम्पनीको शेयर मूल्य स्थिर रहेको छ ।
आज मन्दाकिनी हाइड्रोपावरको शेयरमूल्यमा सकारात्मक सर्किट लागेको छ भने सर्वाधिक कारोबार सिईडीबी होल्डिङको भएको छ । कम्पनीको २३ करोड ७६ लाख रुपैयाँ बराबरको शेयर कारोबार भएको नेप्सेले जनाएको हो ।
