काठमाडौं । सोमबार नेप्से परिसूचक झिनो अंकले बढेको छ । आइतबार उच्च अंकले बढेको बजार आज २.४१ अंकले बढेर २,७३० विन्दुमा बन्द भएको हो ।
आज ११ अर्ब ८७ करोड ५९ लाख रुपैयाँ बराबरको २ करोड ३७ लाख कित्ता शेयर खरिद विक्री भएको हो । आज कारोबारमा आएका कम्पनीमध्ये ९७ कम्पनीको शेयरमूल्य बढ्दा ९७ कम्पनीको शेयरमूल्य घटेको छ । ८ कम्पनीको शेयर मूल्य स्थिर रहेको ।
आज उपकार लघुवित्त वित्तीय संस्था र भूगोल इनर्जी डेभलपमेन्टको शेयर मूल्यमा सकारात्मक सर्किट लागेको छ भने सर्वाधिक कारोबार एनआरएन इन्फ्रास्ट्रक्चर्स एण्ड डेभलपमेन्टको भएको छ । कम्पनीको ३५ करोड ३० लाख रुपैयाँ बराबरको शेयर खरिद विक्री भएको नेप्सेले जनाएको छ ।
