Thursday, February 29Nepal News Portal
Shadow

अब इ–सेवाबाट घरको बीमा गर्न सकिने


काठमाडौं । इ–सेवाबाट घरको बीमा गर्न सकिने भएको छ।

युएसआइडी र शिखर इन्स्योरेन्ससँगको साझेदारीमा बीमा प्रक्रियालाई डिजिटाइज गरी अझ सरलीकरण गर्न घर बीमा सुविधा ल्याएको इ–सेवाले बताएको छ।

हाललाई यो योजना सुर्खेतको वीरेन्द्रनगर नगरपालिका र दाङको तुलसीपुर उपमहानगरपालिकामा लागू भएको कम्पनीको भनाइ छ। साथै अन्य इच्छुकले पनि नेपालभर नै यो सुविधा लिन सक्नेछन्।

यस योजना इ–सेवाको मोबाइल एपभित्र रहको इन्स्योरेन्स शीर्षकमा सूचीबद्ध सेवा मार्फत सजिलै घर बीमा खरिद गर्ने सुविधा प्राप्त गर्न सकिनेछ।

बीमा नीति अनुसार एक करोड रुपैयाँसम्मको बीमा हुने यस योजनामा वार्षिक ५०० देखि ४ हजार ५०० रूपैयाँसम्म भुक्तानी गर्नु पर्नेछ। बीमा मूल्य घरको विश्वसनीयता र मूल्य निर्धारणबाट तय कम्पनीले जानकारी दिएको छ।

यस योजनामा सहभागी हुन घरधनीले घरको तस्वीर, अपेक्षित मूल्य र त्यसको सम्पत्ति विवरण इ–सेवमा एप मार्फत अपलोड गर्नु पर्नेछ।

इ–सेवाले यसअघि नै ग्राहक तथा ग्राहकका आफन्त र साथीभाइमा लागू हुनेगरी इ–सेवा केयर सञ्चालनमा ल्याइसकेको छ।

Total Page Visits: 117 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्