काठमाडौं । नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यले १६६ औं पटकको रक्तदान गरेका छन् । नेपाल स्वयंसेवी रक्तदाता समाज २४ वडा नगर समिति, काठमाडौंद्वारा मखँत्वामा शनिबार आयोजना गरिएको रक्तदान कार्यक्रममा कर्माचार्यले १६६ औं पटको रक्तदान गरेका हुन् ।
कार्यक्रममा महिला तथा पुरूष गरि जम्मा ४१ जनाले रक्तदान गरेका थिए ।
रक्तदान कार्यक्रममा कर्माचार्यलाई बिशेष अतिथि काठमाडौं महानगरपालिका २४ का वडाध्यक्ष बालकृष्ण श्रेष्ठले अभिनन्दन गरेका थिए । साथै उक्त कार्यक्रमको संयोजनमा अहम् भूमिका निर्वाह गर्नुहुने नेपाल स्वयंसेवी रक्तदाता समाज काठमाडौं महानगरपालिका २० वडा नगर समितिका अध्यक्ष राम रञ्जितलाई पनि खादा पहराई सम्मान गरियो । उक्त कार्यक्रममा रक्तदान गर्नुहुने स्वयंसेवी रक्तदाताहरूलाई प्रमुख अतिथि कर्माचार्यले प्रशंसा पत्र प्रदान गरेका थिए ।
कार्यक्रममा महानगरीय प्रहरी वृत्तका प्रमुख डिलबहादुर मल्लको पनि विशेष उपस्थिति रहेको थियो ।
