काठमाडौं । काठमाडौं महानगरपालिकाले आइतबार पनि सेवा दिने भएको छ। महानगरद्वारा शुक्रबार (हिजो) जारी सूचना अनुसार सार्वजनिक बिदाको दिन आइतबार बिहान ८ देखि ११ बजेसम्म कार्यालय सञ्चालन गरिने भएको हो।
महानगरको राजश्व विभाग र वडा कार्यलयहरू उक्त समय अवधिभित्र सञ्चालन रहने महानगरको विभागीय प्रमुखद्वारा जारी सूचनामा जनाइएको छ ।
नागरिकको सेवालाई ध्यानमा राखी आइतबार नै गर्नुपर्ने अत्यावश्यक कामका लागि सहयोग होस् भन्दै कार्यालय सञ्चालन गर्न लागिएको सूचनामा भनिएको छ।
